"ჩემი კონფლიქტი მხოლოდ ბიძინასთან იყო, სხვასთან არ ყოფილა კონფლიქტი", - ამის შესახებ პრეზიდენტმა, გიორგი მარგველაშვილმა გადაცემა რეაქციაში განაცხადა.

მისი თქმით, 2014 წლის პირველი იანვრიდან მას ვენდეტა გამოუცხადეს და მას შემდეგ უსამართლო თავდასხმის ობიექტი გახდა.

"დაწყებული იქიდან, რომ თურმე მე მიშა სააკაშვილთან ერთად ქვეყნის გადატრიალებას ვაპირებ, გაგრძელებული ჩემი ფუფუნების მიმართ მიდრეკილებით, უცხოეთში სიარულისკენ მიდრეკილებით. ერთადერთი, რაც იყო ამაში გამახალისებელი, იმდენად მდარე აზროვნების ხალხია, რომ ამას ყველაფერს იუმორით ვუყურებდი", - განაცხადა პრეზიდენტმა.

მისივე თქმით, მასსა და ბიძინა ივანიშვილს შორის იყო პოლიტიკური კსაკითხზე კონფლიქტი ჰქონდა, რის გამოც ქართულმა ოცნებამ მის წინააღმდეგ "გაილაშქრა". როგორც მარგველაშვილმა გადაცემაში განმარტა, პრეზიდენტის სასახლის საკითხი არაფერშუაშია.

ამავე თემაზე: