თბილისის მერიის ინფორმაციით, 2016 წლის შემოდგომაზე, კრწანისის რაიონში, კიდევ ერთი ახალი საბავშვო ბაღი გაიხსნება.

ორსართულიანი საბავშვო ბაღის მშენებლობა უკვე დასრულდა. ამ ეტაპზე ფასადის შეღებვა და ეზოს კეთილმოწყობა მიმდინარეობს.

მერიის ინფორმაციით, ახალ საბავშვო ბაგა-ბაღში აღსაზრდელთა 6 ჯგუფი შეიქმნება. ბაღი 250-მდე ბავშვის სკოლამდელი განათლებით უზრუნველყოფას შეძლებს.

ახალ საბავშვო ბაღში 40 -მდე ადამიანი დასაქმდება. შენობა სრულად იქნება ადაპტირებული განსაკუთრებული საჭიროების მქონე ბავშვებისთვის.