თბილისი-წითელი ხიდის საავტომობილო მაგისტრალზე მომხდარ ავტოსაგზაო შემთხვევისას 8 ადამიანი დაშავდა. ამის შესახებ On.ge-ს შინაგან საქმეთა სამინისტროში განუცხადეს. უწყების ცნობით, ერთმანეთს მსუბუქი, ჟიგულის მარკის ავტომობილი და მიკროავტობუსი შეეჯახა.

შსს-ს ცნობით, საქმეზე გამოძიება საქართველოს სისხლის სამართლის კოდექსის 276-ე მუხლის პირველი ნაწილით მიმდინარეობს. ეს მუხლი გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევა.