დიდი ოდენობით სახელმწიფო ქონების თაღლითურად დაუფლების და გულგრილობის ბრალდებით, ოთხი პირი პასუხისგებაში მისცეს. ინფორმაციას ამის შესახებ საქართველოს ფინანსთა სამინისტროს საგამოძიებო სამსახური ავრცელებს.

უწყების მიერ გავრცელებულ განცხადებაში წერია, რომ ბრალდებულმა, რომელიც ერთ-ერთი სამშენებლო კომპანიის ხელმძღვანელია, თბილისის ბაგა-ბაღების მართვის სააგენტოს დაკვეთით, ფონიჭალაში ბაგა-ბაღის შენობის სამშენებლო სამუშაოები განახორციელა. დასრულების შემდეგ კი მან ხელოვნურად გაზარდა შესრულებული სამუშაოების მოცულობები, რითიც ის მართლსაწინააღმდეგოდ დაეუფლა 267 488 ლარს.

გამოძიება საქმეზე საქართველოს სისხლის სამართლის კოდექსის 180-ე მუხლის მესამე და 220-ე პრიმა მუხლის პირველი ნაწილებით მიმდინარეობს. აღნიშნული დანაშაული ითვალისწინებს თავისუფლების აღკვეთას 6-დან 9 წლამდე ვადით.