სან-ხოსეს საშინაო მატჩზე ქართველმა გულშემატკივრებმა გურამ კაშიას მხარდაჭერა გამოუცხადეს. მოედანზე მათ გაშალეს ბანერი წარწერით #გურამშენთანვართ.

მატჩის დასრულების შემდეგ მხარდამჭერებთან კაშია მივიდა, აღნიშნა რომ თანადგომა ახარებს და მადლობა გადაუხადა მათ. ფოტოები On.ge-ს მკითველმა მიაწოდა.

ფოტო: გიგა ქართველი

ფოტო: გიგა ქართველი

ფოტო: გიგა ქართველი

ფოტო: გიგა ქართველი

#გურამშენთანვართ ამ ჰეშთეგით ქართულ ინტერნეტსივრცეში საქართველოს ნაკრების ფეხბურთელის, გურამ კაშიას მხარდასაჭერი კამპანია მიმდინარეობს. მას შემდეგ, რაც კაშია ლგბტ სამკლაურის გაკეთებისა და UEFA-ს თანასწორობის ჯილდოს გამო ონლაინ ბულინგის მსხვერპლი გახდა, მან ფეისბუქი გააუქმა და ინსტაგრამის ანგარიში დახურა. ქართული ინტერნეტი კი მის მხარდასაჭერად გაერთიანდა.

კაშიას მხარდაჭერას უცხადებენ ფეხბურთელები, ჟურნალისტები, პოლიტიკური და საზოგადო მოღვაწეები და არასამთავრობო ორგანიზაციები.

კაშიამ მხარდამჭერებს უპასუხა. ინსტაგრამის სთორიში მან დაპოსტა, რომ თითოეულ შეტყობინებას კითხულობს და ამაყობს.