ჯგუფურად ჩადენილი ყაჩაღობის ბრალდებით ორი პირი დააკავეს, რომელთაგანაც ერთ-ერთი პირობითი მსჯავრის ქვეშ იმყოფება. ამის შესახებ ინფორმაციას შინაგან საქმეთა სამინისტრო ავრცელებს.

შსს-ს მიერ გავრცელებულ განცხადებაში წერია, რომ დაკავებულებმა 16 აგვისტოს, თბილისში, სამ თანამზრახველთან ერთად, მოქალაქეს ცეცხლსასროლი და ცივი იარაღის გამოყენებით ყაჩაღურად გასტაცეს ბე-ემ-ვე-ს მარკის ავტომანქანა, ფული, მობილური ტელეფონები და შემთხვევის ადგილიდან მიიმალნენ.

შსს-ს თქმით, საქმეზე გამოძიება საქართველოს სისხლის სამართლის კოდექსის 179-ე მუხლის მე-2 ნაწილის "გ" ქვეპუნქტით, ჯგუფურად ჩადენილი ყაჩაღობის ფაქტზე მიმდინარეობს. ეს დანაშაული 6-დან 9 წლამდე ვადით თავისუფლების აღკვეთას ითვალისწინებს.