მარგველაშვილი - გაყოფილი გერმანია ძლიერი ერი გახდა, ამ გზაზე გერმანია საქართველოს საუკეთესო მეგობარია

ფოტო: პრეზიდენტის ადმინისტრაცია
საქართველოს პრეზიდენტმა, გიორგი მარგველაშვილმა გერმანიის კანცლერთან, ანგელა მერკელთან შეხვედრისას განაცხადა, რომ საქართველოს გერმანიის სახით საუკეთესო მეგობარი ყავს და მის მაგალითს უნდა მიბაძოს.
"როდესაც ჩვენ ვფიქრობთ საკუთარ მომავალზე და ჩვენს ყველაზე პრობლემურ საკითხებზე, გვახსოვს, რომ გერმანია გაყოფილი იყო და ის გახდა ერთიანი, ძლიერი ერი, ევროპული პროცესების ლიდერი და ხედვის განმსაზღვრელი. ჩვენ საქართველოსათვის იგივე მომავალს ვიმედოვნებთ და ვიცით, რომ ამ გზაზე გერმანიის სახით გვყავს საუკეთესო მეგობარი", - განაცხადა მარგველაშვილმა.
როგორც ანგელა მერკელმა საქართველოს პრეზიდენტთან შეხვედრისას აღნიშნა, საქართველო დემოკრატიისა და ეკონომიკური გაუმჯობესების გზაზეა. მისი თქმით, ქვეყანამ ბოლო ათ წელში დიდ პროგრესს მიაღწია.
პრეზიდენტის ადმინისტრაციის ინფორმაციით, ვიზიტის მთავარი თემა საქართველოს ოკუპირებულ ტერიტორიებზე შექმნილი ვითარება, უსაფრთხოების საკითხები და საქართველოს მიმართ რუსეთის პოლიტიკა იყო. მათივე თქმით, საუბარი შეეხო საქართველოს თავდაცვისუნარიანობის გაძლიერების საკითხებს.
ადმინისტრაციაში ამბობენ, რომ მხარეებმა განიხილეს საქართველო - გერმანიას შორის არსებული დღის წესრიგის ფართო სპექტრი: ორმხრივი ურთიერთობების საკითხები - სავაჭრო, ეკონომიკური, კულტურული და ჰუმანიტარული კავშირების განვითარება. ასევე, მრავალმხრივ ფორმატებში თანამშრომლობა - საქართველოს ევროპული და ევროატლანტიკური ინტეგრაცია და ის საკითხები, რამაც უფრო ინტენსიური უნდა გახადოს საქართველოს და გერმანიის ურთიერთობები.
ანგელა მერკელი საქართველოს დღეს, 23 აგვისტოს ეწვია. მან ოფიციალური შეხვედრა გამართა პრემიერ მინისტრ მამუკა ბახტაძესთან, რის შემდეგაც ერთობლივ პრესკონფერენციაზე ისაუბრეს. პრესკონფერენციაზე მერკელმა განაცხადა, რომ მხარს უჭერს საქართველოს ტერიტორიულ მთალიანობას და რუსეთის პოლიტიკა საქართველოს მიმართ უსამართლობაა.
ხვალ, 24 აგვისტოს ის საოკუპაციო ხაზთან ევროკავშირის დელეგაციას შეხვდება. მერკელი საოკუპაციო ხაზთან საქართველოს მთავრობის წარმომადგენლების გარეშე მივა და შეხვედრა მედიისთვის დახურული იქნება.
გერმანიის კანცლერის ვიზიტის სრული განრიგი იხილეთ აქ.
გაიგეთ მეტი:
- მერკელი: მე მხარს ვუჭერ საქართველოს ტერიტორიულ მთლიანობას
- უსამართლობაა, რაც ხდება, პუტინმა იცის ჩემი პოზიცია - ანგელა მერკელი ოკუპაციაზე
- ბახტაძე: ჩვენი პასუხი რუსულ ოკუპაციაზე არის მშვიდობა, გვჭირდება პარტნიორი ქვეყნების დახმარება
- მერკელი: მოხარული ვარ, რომ ვიმყოფები ქვეყანაში, რომელიც ძალიან სწორ ეკონომიკურ გზას ადგას
- მერკელი: გერმანია მხარს გიჭერთ და მხარს დაგიჭერთ, სწორედ ამიტომ ვარ აქ
-
-
გადახედვა
-
გადახედვა
-
-
-
-
-
გადახედვა
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
გადახედვა
-
გადახედვა
-
-
გადახედვა
კომენტარები