საქართველოს პრემიერ მინისტრმა, მამუკა ბახტაძემ განაცხადა, რომ გერმანის კანცლერ ანგელა მერკელთან ერთად საქართველოში არსებულ ვითარებასა კონფლიქტის მშვიდობიანად მოგვარებაზე ისაუბრეს. ბახტაძემ აღნიშნა, რომ რუსეთი არ ასრულებს ცეცხლის შეწყვეტის შეთანხმებით ნაკისრ ვალდებულებებს და აგრძელებს საქართველოს ოკუპაციას. ამის შესახებ ბახტაძემ ანგელა მერკელთან ერთად გამართულ პრესკონფერენციაზე ისაუბრა:

“ქალბატონო კანცლერო და ძვირფასო მეგობრებო, ჩვენი პასუხი ამ ყველაზე მტკივნეულ გამოწვევაზე არის მხოლოდ მშვიდობა, განვითარება და ევროპული დემოკრატიის მშენებლობა“, - განაცხადა ბახტაძემ.

მისი თქმით, პარტნიორი ქვეყნების დახმარების გარეშე საქართველოს ძალისხმევა ვერ იქნება ეფექტური. მისივე თქმით, ამ კუთხით გერმანია საქართველოს აქტიური მხარდამჭერია.

ანგელა მერკელი საქართველოს ორდღიანი ოფიციალური ვიზიტით დღეს ესტუმრა. კანცლერის თვითმფრინავი თბილისის საერთაშორისო აეროპორტშოი 15:20 საათზე დაეშვა. მას აეროპორტში საქართველოს საგარეო საქმეთა მინისტრი დავით ზალკალიანი დახვდა.

გერმანიის კანცლერის ვიზიტის სრული განრიგი იხილეთ აქ.