ამერიკის შეერთებული შტატების ერთ-ერთმა ყველაზე მსხვილმა ავიაკომპანია Delta-მ რამდენიმე წუთის წინ ყველა ავიარეისი შეაჩერა, რომელიც გასაფრენად ემზადებოდა. როგორც ავიაკომპანია წერს, პრობლემა შეექმნა კომპანიის კომპიუტერულ სისტემას, რის გამოც აღნიშნული გადაწყვეტილება მიიღეს. დელტას ცნობით, ყველა თვითმფრინავი, რომელიც ამ დროისათვის ჰაერშია, ჩვეულებრივ, უსაფრთხოდ აგრძელებს რეისს.

დელტას ავიახაზები აშშ-ში 1924 წელს დაფუძნებული ავიაკომპანიაა, რომელიც დღეისათვის მსოფლიოს 60 ქვეყანაში, 300-ზე მეტი მიმართულებით დაფრინავს და თავის შვილობილ ავიაკომპანიებთან ერთად, დღეში 5 ათასზე მეტ ავიარეისს ახორციელებს. დელტა 2013 წელს მსოფლიოს უმსხვილეს ავიაკომპანიად დასახელდა, რომელმაც, ჯამში, 120 მილიონზე მეტი მგზავრი გადაიყვანა.