ახალციხისა და კარწახის სასაზღვრო სექტორის დასაცავ მონაკვეთზე სიერა-ლეონეს ოთხი მოქალაქე დააკავეს. ამის შესახებ ინფორმაციას შინაგან საქმეთა სამინისტრო ავრცელებს. უწყების ცნობით, დაკავებულებს ბრალად საქართველოს სახელმწიფო საზღვრის უკანონოდ გადაკვეთის მცდელობა ედებათ.

შსს-ს ცნობით, გამოძიებამ დაადგინა, რომ დაკავებულები საქართველოს გავლით, თურქეთში აპირებდნენ გადასავლას. მათივე ინფორმაციით, აღნიშნული დანაშაული 4-დან 5 წლამდე ვადით თავისუფლების აღკვეთას ითვალისწინებს.

გამოძიება საქართველოს სისხლის სამართლის კოდექსის 19-344-ე მუხლის მეორე ნაწილის ა ქვეპუნქტით მიმდინარეობს.