ძლიერი წვიმის გამო თბილისში, ვერეს ხეობაში ყველა სახის ტრანსპორტის მოძრაობა დროებით აიკრძალა. შეზღუდვის შესახებ ინფორმაციას შინაგან საქმეთა სამინისტრო ავრცელებს.

"უამინდობის გამო დედაქალაქში ზოგიერთ ქუჩებზე ავტოტრანსპორტის მოძრაობა შეიზღუდა.
თბილისში მოსული ძლიერი წვიმის გამო ავტოტრანსპორტით მოძრაობა გართულებულია", - ვკითხულობთ შსს-ს განცხადებაში გმირთა მოედნიდან თამარაშვილის მიმართულებით გზის შესახებ.

უწყებაში ამბობენ, რომ მოძრაობა აიკრძალა ვაკე-საბურთალოს რაიონში უნივერსიტეტის ქუჩაზე მაღლივი კორპუსის მიმართულებით.

"გზებზე არსებული შეზღუდვები ამინდის გაუმჯობესებისთანავე მოიხსნება და ავტოტრანსპორტის მოძრაობა სრულად აღდგება", - აღნიშნულია შსს-ს განცხადებაში.