ნიკი მინაჟის ახალ ალბომში შესულ სიმღერაში, Majesty, ემინემი იმაზე სწრაფად რეპავს, ვიდრე მის რეკორდულად სწრაფად შესრულებულ სიმღერაში Rap God.

Variety წერს, რომ 10 აგვისტოს გამოსულ სიმღერაში ემინემი წამში უფრო მეტ მარცვალს წარმოსთქვამს, ვიდრე Rap God-ში.

Genius ადასტურებს, რომ ემინემის რეკორდი გაუმჯობესებულია და მან Majesty-ში, 12 წამში 123 მარცვალი წარმოსთქვა, რაც წამში 10,3 მარცვალს უდრის. Rap God-ში კი, რეპერი 16,3 წამში 157 მარცვალს წარმოსთქვამს, რაც წამში 9,6 მარცვალს ნიშნავს. თუმცა აღსანიშნავია, რომ ემინემის Rap God ექვს წუთს და ოთხ წამს გრძელდება, მინაჟის სიმღერაში კი, ემინემი ბევრად მცირე დროით რეპავს.

მომღერლების იუთუბის ოფიციალურ ექაუნთზე ატვირთული სიმღერა საქართველოში დაბლოკილია, თუმცა საიტის მომხმარებლის მიერ ატვირთული ტრეკის 1,5-ით აჩქარებით მის მოსმენას იუთუბზეც შეძლებთ.