სამ აგვისტოს ინსტაგრამზე ახალი ფუნქცია გამოჩნდა, რომელიც შეუძლებელია არ შეგემჩნიათ. მას „ისტორიები“ ჰქვია და ყველა თქვენგანის პროფილს დაემატა.

ეს ახალი ფუნქცია მოიცავს ფოტოებისა და ვიდეოების მოკლე კოლაჟს, რომელიც მხოლოდ და მხოლოდ 24 საათით რჩება პლატფორმაში.

ხომ არ გეცნობათ? - დიახ, ეს სნეპჩატის ანალოგია.

ინსტაგრამის ახალი ფუნქცია ძალიან მარტივად გამოსაყენებელია. მე გთავაზობთ რამდენიმე განმარტებას, რომელიც ამ ფუნქციის უკეთ ათვისებაში დაგეხმარებათ.

პირველ რიგში, იმისთვის რათა თქვენი ისტორია ატვირთოთ და მეგობრებს გაუზიაროთ, უნდა დააჭიროთ მარჯვენა კუთხეში არსებულ პლუსის ნიშანს.

ფოტო: on.ge

თუ რამე მიზეზის გამო ამ ნიშანზე დაჭერა გიჭირთ, არ არის პრობლემა. დააჭირეთ ეკრანს მარჯვენა მხარეს და მარცხნისაკენ გაასრიალეთ:

ფოტო: on.ge

ფოტოს გადასაღებად დააჭირეთ ცენტრში მოთავსებულ დიდ მრგვალ ღილაკს, ხოლო ვიდეოს გადასაღებად იმავე ღილაკზე დიდხანს უნდა გეჭიროთ ხელი:

ფოტო: on.ge

თუ უკვე გადაღებული ფოტოს დამატება გსურთ, უბრალოდ უნდა გაიმეოროთ პირველი მოქმედება და თითი ზემოდან ქვემოთ ჩამოასრიალოთ, რის შემდეგაც თქვენი ფოტოები გამოჩნდება:

ფოტო: on.ge

ფოტოს გამოქვეყნებამდე, მასზე წარწერის გაკეთება შეგიძლიათ. ამისათვის სამი ტიპის საწერი ხელსაწყო არსებობს:

კალამი

ფოტო: on.ge

მარკერი

ფოტო: on.ge

ნეონი

ფოტო: on.ge

ფოტოზე ემოჯიების დამატებაც შეიძლება:

ფოტო: on.ge

უკვე გადაღებულ ფოტოს ფერის ფილტრებიც შეგიძლიათ დაადოთ, ამისთვის კი ეკრანზე თითი აქეთ-იქით უნდა ასრიალოთ. ეს იმდენად მარტივი მოქმედებაა, რომ თუ ილუსტრაცია გჭირდებათ, საერთოდ წაშალეთ ინსტაგრამის აპლიკაცია :))

ფოტოს გამოქვეყნების შემდეგ ხელმისაწვდომი გახდება სტატისტიკაც, რამდენმა ადამიანმა ნახა და ვინ იყვნენ ისინი.