საგანგებო სიტუაციების მართვის სამსახურის თქმით, ძლიერი წვიმის გამო ბათუმიდან 80 შეტყობინება შევიდა, ხოლო ქობულეთიდან - 36. წვიმის შედეგად დატბორილია გზები, საცხოვრებელი სახლების ეზოები და პირველი სართულები.

უწყების განმარტებით, წვიმის გამო პრობლემები შექმნა სამეგრელოს რეგიონშიც. ძლიერმა ნალექმა მდინარეებისა და ღელეების ადიდება გამოიწვია. წყლის ამოტუმბვითი სამუშაოები მიმდინარეობს: ზუგდიდში, სენაკში, ფოთში, ხობში, აბაშასა და მარტვილში

მათივე თქმით, მოქალაქეების სიცოცხლესა და ჯანმრთელობას საფრთხე არ შექმნია.