ახალგაზრდა კაცი, რომელსაც რუსთავში დაახლოებით ერთი თვის განმავლობაში ეძებდნენ, გარდაცვლილი იპოვეს. როგორც On.ge-ს შინაგან საქმეთა სამინისტროში განუცხადეს, კაცის ცხედარს სოფელ განჩიანში, საკუთარ ავტომანქანასთან ახლოს მიაგნეს.

უწყების ცნობით, ცხედარს ამჟამად ექსპერტიზა უტარდება. პირველადი დათვალიერებით კი მას ძალადობის კვალი არ აღენიშნება.

კაცი ხუთ ივლისს დაიკარგა. საქმეზე გამოძიება საქართველოს სისხლის სამართლის კოდექსის 115-ე, თვითმკვლელობამდე მიყვანის მუხლით მიმდინარეობს.