საგანგებო სიტუაციების მართვის სამსახურის მაშველებმა ლაგოდეხში, სოფელ მსხალგორის მთებში, ნადირობისას კლდიდან გადავარდნილი 23 წლის კაცის ცხედარი ამოტანეს.

სამსახურის ცნობით, გარდაცვლილი პირი შემთხვევის ადგილას მამასთან ერთად სანადიროდ იყო წასული. შეტყობინება უწყებაში 26 ივლისს, შუადღისას შევიდა. რთული რელიეფის გამო ცხედრის გადმოსვენება საფეხმავლო ბილიკების საშუალებით ვერ მოხერხდა და 27 ივლისს, გამთენიისას სამაშველო სამუშაოებში შსს-ს სასაზღვრო პოლიციის ვერტმფრენი ჩაერთო.

უწყების ინფორმაცით, ახალგაზრდა კაცის ცხედარ პროზექტურაშია გადასვენებული. როგორც შინაგან საქმეთა სამინისტრო On.ge-სთან საუბრისას აცხადებს, გამოძიება საქართველოს სისხლის სამართლის კოდექსის 115-ე, თვითმკვლელობამდე მიყვანის მუხლითაა დაწყებული. შემთხვევის დამატებითი დეტალები ამ დრომდე უცნობია.