სუპერმარკეტის დახლზე დარჩენილი, საკვებად ვარგისი პროდუქტის გადაყრის კანონით აკრძალვას ითხოვენ. ამ შინაარსის პეტიცია ichange.gov.ge-ზე გამოქვეყნდა. პეტიციის ავტორის ლევან აღნიაშვილის თქმით, სუპერმარკეტები ვალდებული უნდა იყვნენ გაუყიდავი პროდუქტი საქველმოქმედო ორგანიზაციებს გადასცენ.

შემოსავლების სამსახურის მიერ მოწოდებული ინფორმაციის მიხედვით, გასულ წელს ყოველთვიურად საშუალოდ 4 523-დან 11 484-მდე ლარის ხაჭაპური, ლობიანი, ღვეზელი და ფუნთუშა იყრება სანაგვე ურნებში. უფრო კონკრეტულად:

  • აპრილში - 4 523;
  • მაისში – 11 484;
  • ივნისში – 7 312;
  • ივლისში – 9 455;
  • აგვისტოში – 7 778;
  • სექტემბერში – 5 424;
  • ოქტომბერში – 8 701, ნოემბერში – 7 727;
  • დეკემბერში – 8 192.

2018 წლის იანვარში 9 385 ლარის მზა საკვებია გადაყრილი, თებერვალში – 7 439, მარტში – 68 17 ლარის.

"სტატისტიკის ეროვნული სამსახურის ბოლო მონაცემებით, საქართველოში 459 619 ადამიანი სოციალურად დაუცველია და საარსებო შემწეობას იღებს" - აღნიშნულია პეტიციაში.