ინგლისში, ქალაქ ვუსტერში სამი წლის ბიჭს მჟავა შეასხეს, რის გამოც მძიმე ქიმიური დამწვრობა მიიღო. BBC-ის ინფორმაციით, ამ საქმეზე დაკავებულები 22, 25 და 26 წლის კაცები არიან, რომლებსაც ბრალად ბიჭზე თავდასხმა ედებათ.

BBC-ის ინფორმაციით, საქმეზე კვირას 39 წლის კაციც დააკავეს, რომელიც ამ დრომდე პოლიციის ზედამხედველობის ქვეშ რჩება.

გამოცემის ცნობით, ბიჭი საბავშვო სკამში იჯდა, როდესაც განზრახ დაესხნენ თავს. მას მძიმე დამწვრობა აქვს მიღებული სახესა და მხარზე. დამწვრობების მომავალი შედეგები უცნობია, თუმცა ექიმებმა ბავშვი საავადმყოფოდან უკვე გაწერეს.

სამართალდამცავებისთვის დანაშაულის ჩადენის მოტივი ამ დრომდე უცნობია.