ბათუმში 19 ივლისს გარდაცვლილი ტრანსგენდერი ქალის, ლიკას ოჯახი მიიჩნევს, რომ სიცოცხლეში არსებული მძიმე დაავადებების გამო ცხედრის სახლში გადასვენება საფრთხის შემცველია. ამ არგუმენტით ცდილობს ოჯახი, ლიკა საავადმყოფოდან სახლში გადასვენების გარეშე დაასაფლავოს.

ჯანდაცვის სამინისტროს დაავადებათა კონტროლის ეროვნულ ცენტრში On.ge-ს განუცხადეს, რომ სიცოცხლეში არსებული დაავადებების გარდაცვალების შემდეგ გადადების საფრთხე არ არსებობს.

19 ივლისს On.ge-მ ლიკას გარდაცვალებაზე მასალა მოამზადა და მის ბებიას ესაუბრა. ლიკას ბებიის აზრით, ავადმყოფობის გამო ცხედარი "საშიშია" და მისი სახლში დასვენება პანაშვიდზე მისული ხალხის ჯანმრთელობას "საფრთხეს" შეუქმნის. კითხვაზე, ვინ მიაწოდა ინფორმაცია ოჯახს ამ "საშიშროების" შესახებ, ლიკას ბებია ვერ გვპასუხობდა. ექიმთან ამ საკითხზე არ უსაუბრია და არც საავადმყოფოში მიუციათ მსგავსი რეკომენდაცია, თუმცა მაინც იმეორებდა, რომ ამ გადაწყვეტილების მიზეზი მხოლოდ "სიფრთხილეა" და არა ლიკას გენდერული იდენტობა.

ამავე თემაზე: ტრანსგენდერ ქალს სახლში დასვენების გარეშე, პირდაპირ სასაფლაოზე დაკრძალავენ