სამხრეთაფრიკელი მოდელი ქენდის სვეინპოლი მათ პასუხობს, ვინც მოდელი მშობიარობიდან 12 დღეში "ფორმაში არყოფნის გამო" გააკრიტიკა.

ვიქტორია სიკრეტის ანგელოზმა მეორე შვილი, არიელი, ცოტა ხნის წინ გააჩინა და 12 დღის შემდეგ, სანაპიროზე ბიკინით გამოჩნდა.

პაპარაცებმა ის მალევე დააფიქსირეს, რის შემდეგაც ქენდისმა ნეგატიური კომენტარები მიიღო.

მოდელმა უკან არ დაიხია და მათ ინსტაგრამის სთორიდან უპასუხა.

"ეს მე ვარ, ჩემი ბიჭის გაჩენიდან 12 დღის შემდეგ. თუ ამაზე რამის თქმა გსურთ, ჯერ საკუთარ თავებს გადახედეთ.

საზოგადოება ხანდახან თავისი წევრების მიმართ ძალიან სასტიკია. სილამაზის სტანდარტები კი ქალებს წარმოუდგენელ მოთხოვნებს უყენებს. მე არ მრცხვენია გაჩვენოთ მშბიარობის შემდეგ დარჩენილი მუცელი, მე მისით ვამაყობ. იქ ჩემი შვილი 9 თვის განმავლობაში იყო და ვფიქრობ, იმის უფლება მაქვს, რომ პატარა მუცელი მქონდეს", - დაწერა 2 შვილის დედამ.

ქენდისმა დასძინა, რომ ისიც ჩვეულებრივი ადამიანი იყო: "თუ შეიძლება, სანაპიროზე მშვიდად ყოფნისა და სიამოვნების მიღების საშუალება მომეცით".