ბანქოს სახლის ვარსკვლავი, რობინ რაითი ხანგრძლივი დუმილის შემდეგ პირველად დათანხმდა კევინ სპეისისთან დაკავშირებით ოფიციალური კომენტარი მიეცა.

"კევინი და მე ერთმანეთს გადასაღები მოედნიდან ვიცნობთ. შესვენებებს შორის კი ვხუმრობდით და ვიცინოდით. როგორც გაირკვა, მე საერთოდ არ ვიცნობდი მის პიროვნებას, მაგრამ ვიცნობდი როგორც თავისი საქმის შეუდარებელ ოსტატს", - თქვა რობინ რაითმა.

შეგახსენებთ, რომ ბანქოს სახლი ფინალური სეზონით ნოემბერში დაბრუნდება. ახალ სეზონში კევინ სპეისი აღარ თამაშობს.

რაც შეეხება კევინ სპეისს გასულ წელს ის ენტონი რაპმა სექსუალურ შევიწროებაში დაადანაშაულა. სკანდალის შემდეგ ის გაათავისუფლეს Netflix-ის სერიალიდან House of Cards, რომელშიც მთავარ როლს ასრულებდა. ამავდროულად საერთაშორისო სატელევიზიო აკადემიამ გააუქმა დაგეგმილი ღონისძიება, რომელზეც კევინ სპეისის საპატიო ემის გადასცემდნენ.

გარდა ამისა რიდლის სკოტის ახალი ფილმიდან All the Money in the World, კევინ სპეისის მიერ შესრულებულ ყველა სცენა ამოჭრეს.

ამერიკის ყველაზე გავლენიანმა სააგენტომ, CAA კევინ სპეისის კონტრაქტი შეუწყვიტა. მსახიობთან თანამშრომლობაზე უარი თქვა მისმა აგენტმაც. კევინ სპეისი მოხსნეს ონლაინ სასწავლო პროგრამების კურსიდან, MasterClass, სადაც მსახიობი სტუდენტებს ლექციებს უკითხავდა.