შინაგან საქმეთა სამინისტროს ინფორმაციით, 6 ივლისს, დილის საათებში თბილისში, დიღმის მასივში სამი მანქანა ერთმანეთს შეეჯახა. როგორც უწყების პრესსამსახურმა On.ge-ს უთხრა, გარდაცვლილია სამი პირი, ხოლო ორი საავადმყოფოშია გადაყვანილი.

გამოძიება სისხლის სამართლის კოდექსის 276-ე მუხლის მე-7 პუნქტით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.