ხვალ რომ საპარლამენტო არჩევნები ტარდებოდეს, მიიღებდით თუ არა მონაწილეობას? ეს კითხვა დაუსვა NDI-მ მოქალაქეებს თავისი გამოკითხვის ფარგლებში. გამოკითხულთა 67%, არჩევნებში სავარაუდოდ მიიღებდა მონაწილეობას, 39% კი ამბობს, რომ სავარაუდოდ არ მიიღებდა მონაწილეობას.

კვლევის რესპონსდენტთა 57%-ს გადაწყვეტილი არ აქვს თუ ვის მისცემს ხმას, 38%-ს კი. ამასთან, კითხვაზე პასუხი "არ ვიცი" - მხოლოდ 3%-მა გასცა.

NDI-ის კვლევის საველე სამუშაოები CRRC- საქართველომ ჩაატარა 2016 წლის 8 ივნისიდან 6 ივლისის პერიოდში. სულ მომზადდა 4 113 დასრულებული ინტერვიუ. განხორციელდა წარმომადგენლობითი შერჩევა ქვეყნის მასშტაბით, ამასთან, დამატებითი წარმომადგენლობითი შერჩევა თბილისში, ქალაქისა და სოფლის ტიპის დასახლებებში, ეროვნული უმცირესობებით მჭიდროდ დასახლებულ რეგიონებში. კვლევის საშუალო ცდომილების ზღვარი არის +/- 2,1%.