განათლებისა და მეცნიერების მინისტრის, მიხეილ ჩხენკელის თქმით, შესაძლოა, მომავალი წლიდან ეროვნული გამოცდები გაზაფხულის ბოლოს, სკოლაში სასწავლო სემესტრის დასრულებისას ჩატარდეს. ამის შესახებ ჩხენკელმა 175-ე სკოლაში განთავსებულ საგამოცდო ცენტრში განაცხადა.

"ივლისში არ უნდა ტარდებოდეს ეროვნული გამოცდები. ჩემი მოსაზრება გახლავთ ის, რომ შესაძლებელია ეროვნული გამოცდების ჩატარდეს გაზაფხულზე", - აღნიშნა მინისტრმა.

ერთიანი ეროვნული გამოცდები დღეს, 2 ივლისს დაიწყო. განათლების სამინისტრის მოადგილის, თეიმურაზ მურღულიას განცხადებით, 5 ივლისს ჩათვლით გამოცდები დღის პირველ ნახევარში ჩატარდება. გრაფიკის ცვლილების მიზეზად მურღულიამ მოსალოდნელი მაღალი ტემპერატურა დაასახელა.

თავდაპირველი ინფორმაციით, კონდინციონერები მხოლოდ რუსთავში იქნებოდა, პრემიერის საყვედურის შემდეგ მურღულიამ განაცხადა, რომ ყველა საგამოცდო ცენტრში მობილური კონდიციონერების შეტანა იგეგმება.