განათლების სამინისტრის მოადგილის, თეიმურაზ მურღულიას განცხადებით, 5 ივლისს ჩათვლით ერთიანი ეროვნული გამოცდები ჩატარდება დღის პირველ ნახევარში.

გრაფიკის ცვლილების მიზეზად მურღულიამ მოსალოდნელი მაღალი ტემპერატურა დაასახელა. მისივე თქმით, ყველა აბიტურიენტმა გამოცდების დრო ეროვნული ცენტრის ვებგვერდზე უნდა დააზუსტოს.

"რაც შეეხება სამუშაო გარემოს, 13 წელია ტარდება ეროვნული გამოცდები და ამ პერიოდში არ გვქონდა გაგრილების სისტემა. წელს, მინისტრ ჩხენკელის დავალებით დაიწყო ამ სისტემის განხორციელება. გასაკვირია პრეტენზიები, რატომ არ არის ყველა ცენტრი აღჭურვილი", - განაცხადა მინისტრის მოადგილემ.

მურღულიამ, ასევე, განმარტა, რომ კონდიციონერების დაყენება უკავშირდება ხმაურსა და ელექტოენერგიის მოხმარების სიმძლავრეს:

"მინდა ვუთხრა ყველას, რომ უახლოეს დღეებში აბიტურიებტებისთვის ყველა ღონეს ვიხმართ რომ შეექმნათ პირობები".