ხაშურში, ხელოვნურად დაგუბებულ წყალში მაშველებმა ორი 12 წლის მოზარდის ცხედარი აღმოაჩინეს. საგანგებო სიტუაციების მართვის სამსახურის ცნობით, მათთან შეტყობინება მას შემდეგ შევიდა, რაც მოქალაქემ, საგუბართან ველოსიპედები და ტანსაცმელი შენიშნა.

საგანგებო სიტუაციების მართვის სამსახურის ინფორმაციით, სამძებრო ღონისძიებებში ჩართული იყო ადგილობრივი პოლიცია და სამაშველო ჯგუფები.

შინაგან საქმეთა სამინისტროში On.ge-ს უთხრეს, რომ საქმეზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.