ამერიკულმა ანიმაციურმა სიტკომმა "სიმფსონები" 17 წლის წინ დონალდ ტრამპის გაპრეზიდენტება იწინასწარმეტყველა, 1998 წელს კი ის, რომ ფოქსი უოლტ დისნეის შეიძენდა. ჩამონათვალი კიდევ შორს წაგვიყვანს, ამიტომ შეგვიძლია ამ ორით შემოვიფარგლოთ.

1997 წელს ანიმაციის მე-9 სეზონის ერთ-ერთი ეპიზოდში ტრანსლირება ხდება იმ შეხვედრის, რომლის შესახებაც ამბობენ:

"ეს მატჩი, რომელშიც ერთმანეთს მექსიკისა და პორტუგალიის ნაკრებები დაუპირისპირდებიან, გაარკვევს პლანეტის უძლიერესს".

მიუხედავად იმისა, რომ 2018 წელზე პირდაპირი მინიშნება არ ყოფილა, ძალიან ბევრმა გულშემატკივარმა ჩათვალა, რომ წინასწარმეტყველება სწორედ მიმდინარე მსოფლიო ჩემპიონატზე იყო გაკეთებული.

ვინაიდან უკვე ჯგუფური ეტაპი დასრულებულია, ჩვენ ვიცით, თუ რომელი ნაკრები რომელ ბადეშია. ზემოთხსენებული თეორიის აპოლოგეტთა სამწუხაროდ, პორტუგალიაც და მექსიკაც ერთ ბადეში არიან და მათ ერთმანეთთან შეხვედრის შანსი მხოლოდ ნახევარფინალში ექნებათ და არა ფინალში.

იწინასწარმეტყველეს თუ არა "სიმფსონების" სცენარისტებმა 2018 წლის მსოფლიო ჩემპიონატის ფინალი? რა თქმა უნდა, არა. ასე რომ ყოფილიყო, ამის მოხდენის თეორიული შანსიც იარსებებდა და ცხადია, მოხდებოდა კიდეც. ტოტალიზატორები კი მექსიკისა და პორტუგალიის თამაშებზე ფსონების მიღებას შეწყვეტდნენ და მსოფლიო ჩემპიონატის ყურება ფინალურ ეტაპამდე აზრს დაკარგავდა.

1997 წლის სერიაში 2018 წლის მსოფლიო ჩემპიონატი არ იყო ნაგულისხმევი. დაველოდოთ შემდეგ მსოფლიო თასს.