ნარცისები შესაძლოა ძალიან გვღლიდნენ გამუდმებულად ყურადღების ცენტრში ყოფნის სურვილით, მაგრამ ისინი ასევე გამაღიზიანებლად წარმატებულნი არიან.

იმის მიუხედავად, რომ თვითკმაყოფილება ნეგატიურ თვისებად ითვლება, ირლანდიელი ფსიქოლოგების თქმით, უპირატესობის განცდა ადამიანებს ძალას მატებს და მიზნების მიღწევაში ეხმარება.

მკვლევარების მიხედვით, ნარცისები წარმატებულები არიან განათლებაში, სამსახურში და სასიყვარულო ცხოვრებაში, რადგან მათ საკუთარ თავში ეჭვი არასდროს ეპარებათ.

"თუ ზურგს ვაქცევთ საზოგადოების მიერ დაწესებულ მორალს და მხოლოდ წარმატებაზე ვიქნებით ორიენტირებულნი, მაშინ ნარცისიზმს პოზიტიურ მახასიათებლად შევაფასებთ", - ამბობს მკვლევარი.

ის ნარცისის დეფინიციას შემდეგნაირად განმარტავს:

"თუ საკუთარ თავში დარწმუნებული ხარ და იმისიც გჯერა, რომ სხვებზე უკეთესი ხარ და ჯილდოს იმსახურებ, მაშინ ნარცისი ხარ".

კვლევის მიხედვით, ის სტუდენტები, რომლებიც სხვადასხვა მახასიათებლებით ნარცისებად იდენტიფიცირდებოდნენ, გამოცდებში სხვებზე ბევრად უკეთეს შედეგებს აჩვენებდნენ, თუმცა, კვლევა ასევე აჩვენებდა, რომ ისინი სხვებზე ჭკვიანები არ იყვნენ.

ფსიქოლოგები მიიჩნევენ, რომ ნარცისების თვისებებს შორისაა ძალაუფლების სურვილი და ეგოიზმი, რაც მათ მარცხის მარტივად გადალახვასა და მომავალი გამარჯვებისთვის მზადყოფნაში ეხმარებათ.