საპარლამენტო ოპოზიციური პარტიები, ევროპული საქართველო და ნაციონალური მოძრაობა მთავრობის სტრუქტურულ ცვლილებებს, რომელიც პარლამენტში დღეს დარეგისტრირება, მხარს არ დაუჭერს. პარტია პატრიოტთა ალიანსი გადაწყვეტილებას მას შემდეგ მიიღებს, რაც სტრუქტურულ ცვლილებებთან ერთად მინისტრთა ახალი კაბინეტიც გახდება ცნობილი.

ნაციონალური მოძრაობის დეპუტატის, რომან გოცირიძის განცხადებით, სტრუქტურული ცვლილებები იმისთვის განხორციელდა, რომ მთავრობას საკადრო ცვლილებებზე გადაწყვეტილება წყენის გარეშე მიეღო.

"სამტთავრობო ცვლილებებმა არ უნდა მიიღოს ისეთი ხასიათი, რომ თითქოს ეს კეთდება იმისთვის, რომ ნაკლებად განაწყენებული მინისტრები გაუშვან. ეს მინისტრების შეკვეცის აქციად არ უნდა გადაიქცეს", - განაცხადა რომან გოცირიძემ.

პარტია ევროპული საქართველოს დეპუტატის, ზურაბ ჭიაბერაშვილის განცხადებით, მმართველმა გუნდმა უნდა წარმოადგინოს კონკრეტული გათვლა, თუ რამდენი იზოგება ბიუჯეტიდან და რამდენია მიმართული იმ სოციალურ საჭიროებებზე, რაც ქვეყანაში სიღარიბის აღმოფხვრა სჭირდება.

"არც კვირიკაშვილის სტრუქტურულ ცვლილებებს ახლდა ეს გათვლა და არ ბახტაძისას. სამწუხაროდ, მოხდება იგივე. ქვეყანაში სიღარიბის დასაძლევად ნაბიჯების გადადგმას არ ველოდები", - განაცხადა ზურაბ ჭიაბერაშვილმა.

პატრიოტთა ალიანსის პრესსამსახურში განმარტეს, რომ პარტია გადაწყვეტილებას მას შემდეგ მიიღებს, რაც სტრუქტურული ცვლილებები დასრულდება და ცნობილი იქნება ახალი გუნდის წევრების ვინაობაც, ჯერჯერობით პატრიოტთა ალიანსს ზუსტი პასუხი, დაუჭერს თუ არა მხარს სამთავრობო ცვლილებებს, არ აქვს.

ახლადანიშნული პრემიერ-მინისტრის, მამუკა ბახტაძის მიერ წარდგენილი სამთავრობო ცვლილებების მიხედვით, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო უქმდება.

სამინისტრო ფუნქციები გადანაწილდება სამ უწყებაზე:

  • განსახლების ფუნქცია ინფრასტრუქტურისა და რეგიონული განვითარების სამინისტროს შეუერთდება;
  • მიგრაცია - შსს-ს;
  • სოციალური პოლიტიკა - ჯანდაცვის სამინისტროს