თეთრი სახლის პრესმდივანი სარა სანდერსი აშშ-ის პრეზიდენტზე, დონალდ ტრამპზე მუშაობის გამო რესტორანი დაატოვებინეს. ინფორმაციას BBC ავრცელებს.

ვირჯინიის შტატში რესტორან Red Hen-ის მფლობელმა სანდერსსა და მის ოჯახს რესტორნის დატოვე სთხოვა. ამით მას ტრამპის ადმინისტრაციის პოლიტიკის მიმართ უკმაყოფილების გამოხატვა სურდა.

რესტორნის მფლობელი მიიჩნევს, რომ სანდერსს "არაჰუმანურ და არაეთიკურ" ადმინისტრაციაზე მუშაობს. მან Washington Post-ს უთხრა, რომ სანდერსს რესტორნის დატოვება მას შემდეგ სთხოვა, რაც თანამშრომლებს დაელაპარაკა.

მისივე თქმით, რესტორნის რამდენიმე თანამშრომელი ჰომოსექსუალია. ხოლო მათ იცოდნენ, რომ სანდერსმა დაიცვა ტრამპის სურვილი სამხედრო სამსახურში ტრანსგენდერების არდაშვების შესახებ. ასევე, თანამშრომლების უკმაყოფილება ახალმა საიმიგრაციო პოლიტიკამ განაპირობა.

ინციდენტი მოხდა მას შემდეგ, რაც რამდენიმე დღის წინ აშშ-ის უსაფრთხოების მინისტრს კრისტენ ნილსენს მექსიკის რესტორანში მიტინგი მოუწყვეს. ამ შემთხვევაში ისინი აშშ-ის საიმიგრაციო პოლიტიკას აპროტესტებდნენ.

ბოლო დროს აშშ-ის ხელისუფლება დიდი კრიტიკის ქვეშ მოყვა მიგრანტების მიმართ "ნულოვანი ტოლერანტობის" პოლიტიკის გამო. ახალი პოლიტიკის შედეგად ათასობით მშობელი და ბავშვი ერთმანეთს დაცილდნენ. საბოლოო ჯამში დონალდ ტრამპმა უარი თქვა ოჯახების დაშორებაზე.