ალადაშვილის კლინიკაში, დაუდგენელი ნივთიერებით ინტოქსიკაციით, ორი კაცი მიიყვანეს, რომელთაგანაც ერთი პირი გარდაიცვალა.

როგორც On.ge-ს შინაგან საქმეთა სამინისტროში განუცხადეს, გარდაცვლილს ძალადობის ნიშნები არ აღენიშნება და მას ექსპერტიზა ჩაუტარდება.

მათივე ინფორმაციით, საქმეზე გამოძიება საქართველოს სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

On.ge ინფორმაციის გადამოწმებას ალადაშვილის კლინიკაში ამ დრომდე ცდილობს.