დიმიტრი მოსულიშვილმა თბილისის მერს, თბილისის არქიტექტურის სამსახურის უფროსის თანამდებობიდან გათავისუფლების თაობაზე მიმართა. როგორც მოსულიშვილი თავისი განცხადებით განმარტავს, მან როგორც არქიტექტორმა მეტი დრო უნდა დაუთმოს პროფესიულ საქმიანობას და მუშაობა კერძო სექტორში განაგრძოს.

"მიმაჩნია, რომ ჩემი ხელმძღვანელობის პირობებში არქიტექტურის სამსახურის მიერ განხორციელდა არაერთი მნიშვნელოვანი პროექტი და საკანონმდებლო ინიციატივა, რომელიც სასიკეთოდ წაადგება ქალაქს და ხელს შეუწყობს მის შემდგომ განვითარებას".

მისივე თქმით, მან 14 ივლისს თბილისის საქალაქო სასამართლოში სარჩელი შეიტანა თბილისის საკრებულოს დეპუტატის ალექსანდრე ელისაშვილის წინააღმდეგ. მოსულიშვილის თქმით ელისაშვილმა მისი მისამართით საჯაროდ გააკეთა "ცრუ და ცილისმწამებლური" განცხადებები.

ელისაშვილმა თბილისის მერიის არქიტექტურის ხელმძღვანელი, დიმიტრი მოსულიშვილის ქრთამის აღებაში დაადანაშაულა.

ალეკო ელისაშილი და სოსო მანჯავიძე ერთმანეთს ფიზიკურად დაუპირისპირდნენ