ეროვნულ-დემოკრატიული ინსტიტუტის მიერ გამოკითხული ადამიანების 21 პროცენტი, რომელსაც არჩევნებისთვის გადაწყვეტილება უკვე მიღებული აქვს, მიიჩნევს, რომ საქართველოს საგარეო პოლიტიკური კურსი უნდა იყოს პრორუსული, თუმცა, ქვეყანამ კარგი ურთიერთობა უნდა შეინარჩუნოს დასავლეთთან. იგივე მოსაზრება აქვს გადაუწყვეტელი ამომრჩევლის 20 პროცენტს. გადაწყვტილი ამომრჩევლის 5 პროცენტის მოსაზრებით კი, ქვეყნის საგარეო კურსი მხოლოდ პრორუსული უნდა იყოს. იგივე მოსაზრება აქვს გადაუწყვეტელი ამომრჩევლის 26 პროცენტსაც.

NDI-მ საზოგადოებრივი აზრის კვლევის შედეგების პრეზენტაცია დღეს გამართა.

NDI-ის გამოკითხვა 2016 წლის 8 ივნისიდან 6 ივლისის პერიოდში, საქართველოს მასშტაბით 4 113 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულენოვან, სომხურენოვან და აზერბაიჯანულენოვან მოსახლეობას შორის ჩატარდა. კვლევაში საშუალო ცდომილების ზღვარი არის +/- 2,1%.

კვლევას აფინანსებს შვედეთის საერთაშორისო თანამშრომლობის განვითარების სააგენტო (SIDA) და ატარებს CRRC-საქართველო.