სინგაპურში აშშ-ის მოქმედი პრეზიდენტი, დონალდ ტრამპი და ჩრდილოეთ კორეის დიქტატორული რეჟიმის ლიდერი, კიმ ჩენ ინი, ერთმანეთს პირველად შეხვდნენ.

როგორც ცნობილია, ისტორიული სამიტზე, რომელზეც ლიდერებმა ორივე მხარისთვის უსაფრთხოების გარანტიების მიმცემ დოკუმენტს მოაწერეს ხელი, კიმ ჩენ ინი საკუთარი ტუალეტით ჩავიდა.

კორეული მედიის ცნობით, მას საკუთარი ტუალეტის კაბინები შეხვედრებზე მუდამ თან დააქვს, მათ შორის ერთი კი თავის მერსედესში აქვს.

"მხოლოდ იმიტომ, რომ ჩრდილოეთ კორეის ლიდერს ქვეყნის გარშემო მოგზაურობა და გადაადგილება უწევს, წარმოუდგენელია, რომ მან საჯარო საპირფარეშო გამოიყენოს", - უთხრა უცნობმა წყარომ სამხრეთ კორეულ მედიას.

ტუალეტების კაბინის თან ტარების მთავარი მიზეზი კიმ ჩენ ინის ჯანმრთელობისა და პირადი ინფორმაციის უსაფრთხოების დაცვაა, ამბობს ჩრდილოეთ კორეის ლიდერის დაცვის ყოფილი უფროსი:

"ლიდერის განავალი შეიცავს ინფორმაციას მის ჯანმრთელობაზე, რისი უყურადღებოდ დატოვებაც არ შეიძლება".

მისი თქმით, კიმ ჩენ ინის ჯანმრთელობის მდგომარეობა ამ მონაცემებით პერიოდულად მოწმდება.