"პერსეპოლისის" ავტორი და რეჟისორი, მარჯან სატრაპის ახალ ფილმს, Radioactive, გადაიღებს, რომელიც ნობელის პრეემიის ორგზის გამარჯვებულ, მეცნიერ მარი კიურიზე მოგვითხრობს.

ფილმში მთავარ როლს ოსკარის ნომინანტი როზამუნდ პაიკი შეასრულებს.

მარი კიური პოლონელი ფიზიკოსი და ქიმიკოსი იყო, რომელმაც სადოქტორო დისერტაცია დაიცვა თემაზე: რადიოაქტიურ ნივთიერებათა გამოკვლევა. გარდა ამისა, ის გახდა პარიზის უნივერსიტეტის პირველი პროფესორი ქალი. 1914 წლიდან ხელმძღვანელობდა პარიზის რადიუმის ინსტიტუტის ფიზიკა-ქიმიის განყოფილებას.

მარი კიურის შრომები რადიოაქტიურ ნივთიერებათა შესწავლის შესახებ საფუძვლად დაედო ფიზიკისა და ქიმიის ახალ დარგებს. სწორედ კიურის სახელს უკავშირდება ახალი ქიმიური ელემენტების - პოლონიუმისა და რადიუმის აღმოჩენა.