შვილისა და მეუღლის მკვლელობაში მსჯავრდებულის, მაგდა პაპიძის სარჩელი ევროსასამართლომ წარმოებაში მიიღო. რუსთავი 2-ის ინფორმაციით, პაპიძის სარჩელში უმძიმეს ფაქტებზეა საუბარი, როგორ აწამებდნენ ქალს დიდი დიღმის განყოფილების პოლიციელები, წინასწარო მოთავსების იზოლატორში გადაყვანამდე და როგორ უსწორდებოდნენ ფიზიკურად, რამაც დაკავებულის ორსულობის შეწყვეტა გამოიწვია.

ამ ფაქტებზე ძალოვანი სისტემის წინააღმდეგ ადვოკატის განცხადებით მტკიცებულებები უკვე ევროსასამართლოში დევს.

იურისტის მტკიცებით, სასტიკ დანაშაულში ბრალდებულის წამებას სამართალდამცველები დანაშაულის აღიარების მოტივით ახდენდნენ.

მაგდა პაპიძე 2016 წლიდან უვადო პატიმარია. სტრასბურგის სასამართლო საქმის განხილვას უახლოეს პერდიოდში დაიწყებს.