საპატრიარქოს განცხადებით, დღეს ხორავას ქუჩაზე მოკლული არასრულწლოვნების მშობლებთან შეხვედრა მხოლოდ სულიერი დატვირთვის იყო და სხვა მიზანი არ ჰქონია.

"მისმა უწმინდესობამ კიდევ ერთხელ მიუსამძიმრა მათ მომხდარის გამო და უსურვა ღვთის შეწევნა", - წერია საპატრიარქოს მიერ გავრცელებულ განცხადებაში.

პატრიარქი დღეს ხორავას ქუჩაზე მოკლული ლევან დადუნაშვილისა და ზაზა სარალიძის მშობლებს შეხვდა. შეხვედრის სურვილი თავად ზაზა სარალიძემ გამოთქვა.

სარალიძე საპატრიარქოში ცოლთან და შვილთან ერთად მივიდა და შეხვედრის შემდეგ მედიასთან კომენტარი არ გააკეთა. დადუნაშვილის ოჯახი საპატრიარქოში მას შემდეგ მივიდა, რაც სარალიძესთან შეხვედრა დასრულდა.