ქართული ოცნების თავმდჯომარე, ბიძინა ივანიშვილი მთავარი პროკურორის, ირაკლი შოთაძის გადაგომასთან დაკავშირებით განცხადებას ავრცელებს. ივანიშვილის თქმით, პროკურორის გადადგომა ის სტანდარტია, რომლის დამკვიდრებაც, ქართული ოცნების მიერ განხორციელებული, 2012 წლის სახალხო რევოლუციის მიზანი იყო.

ივანიშვილის თქმით, ის ინტერესით აკვირდებოდა სამართლებრივი პროცესების მიმდინარეობას და დარწმუნებული იყო, რომ ამ საქმეზე მართლმსაჯულება "სრულად და დროულად" აღსრულდებოდა:

"სამწუხაროდ, მოვლენები ისე განვითარდა, რომ გამოძიების სანდოობა დაზარალებულის და საზოგადოების გარკვეული ნაწილის მხრიდან ეჭვის ქვეშ დადგა, რასაც მთავარი პროკურორის მხრიდან მყისიერად მოჰყვა უკიდურესად ღირსეული, უმაღლესი პოლიტიკური და მორალური პასუხისმგებლობით გამსჭვალული ნაბიჯი."

დღეს, 31 მაისს თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

გარდაცვლილის მამამ, ზაზა სარალიძემ განაჩენი გააპროტესტა და პროკურატურასთან აქცია გამართა. სარალიძის მთავარი მოთხოვნა პროკურორის გადადგომა და პასუხისგებაში მიცემა იყო.