ხორავას ქუჩაზე მომხდარ დანაშაულთან და ახალგაზრდების მკვლელობის საქმესთან დაკავშირებით ევროპული საქართველო საპარლამენტო, დროებითი საგამოძიებო კომისიის შექმნას მოითხოვს.

ევროპული საქართველოს წევრის ელენე ხოშტარიას განცხადებით, როდესაც ასეთ შემთხვევაზე გამოძიებასთან მიმართებით ჩნდება კითხვები, სწორი გამოსავალია პარლამენტმა აიღოს საზედამხედველო ფუნქცია.

"ამ ვითარებაში ადეკვატურია, რომ პარლამენტი ჩაერთოს და ჩვენ ვკითხოთ გამოძიებას თუ რატომ დარჩა ამდენი კითხვა დაზარალებულ ოჯახს. სამწუხაროდ, პარლამენტის მზაობა, რომ კანონით დადგენილი პროცედურებით ჩაერთოს და ზედამხედველობა განახორციელოს აქამდე არ ყოფილა, მაგრამ ჩვენი ვალია ეს საკითხი დავაყენოთ", - განაცხადა ხოშტარიამ.

27 მაისს ხორავას ქუჩაზე მოკლული დავით სარალიძის მამა, ზაზა სარალიძე, გამოძიების ობიექტურად ჩატარების მოთხოვნით პარლამენტის შენობის წინ აქცია გამართა. ზაზა სარალიძე ამბობს, რომ მისი შვილის მკვლელებს მფარველობენ კონკრეტული მაღალჩინოსნები.

ხორავას ქუჩის საქმეზე დეტალურად წაიკითხეთ აქ.