ხორავას ქუჩაზე მოკლული დავით სარალიძის მამა, გამოძიების ობიექტურად ჩატარების მოთხოვნით პარლამენტის შენობის წინ აქციას მართავს.

ზაზა სარალიძის პროტესტს უერთდება საზოგადოების ნაწილი. მათ შორის თემირლან მაჩალიკაშვილის ოჯახი, რომელიც დღევანდელი დღის გამო პანკისიდან საგანგებოდ ჩამოვიდა.

„ჩემი ჩამოსვლის ერთადერთი მიზეზი არის გვერდში ამოვუდგე სარალიძეს. ის ადამიანი ვიცი, რომ არის ისე როგორც მე ვარ გამწარებული და მინდა რომ გამოვხატო ჩემი თანადგომა. ერთადერთი მიზანი ეს არის ჩემი ჩამოსვლის,“-განაცხადა თემირლან მაჩალიკაშვილის მამამ მალხაზ მაჩალიკაშვილმა.

ფოტო: On.ge / თამუნა გეგიძე

ფოტო: On.ge / თამუნა გეგიძე

ფოტო: On.ge / თამუნა გეგიძე

მოკლული დავით სარალიძის მამა ზაზა სარალიძე ამბობს, რომ მისი შვილის მკვლელებს მფარველობენ კონკრეტული მაღალჩინოსნები.

აქციაზე ადვოკატმა ზვიად კუპრავამ რამდენიმე მოთხოვნაც წამოაყენა, რომელიც გამოძიებიც ობიექტურად წარმართვასა და იმ კითხვებზე პასუხის გაცემას უკავშირდება, რომელიც საქმეში არსებობს.

ზვიად კუპრავას მიაჩნია, რომ პროკურატურა მალავს მტკიცებულებებს და ხელს აფარებს დამნაშავეებს.