საპატრიარქოს განცხადებას ეხმიანება ზუგდიდის მერი ლაშა გოგია და ამბობს, რომ კომპანიებმა რუსთავი 2-ზე რეკლამის განთავსება უნდა შეწყვიტონ.

როგორც გოგიამ On.ge-ს უთხრა, ის სრულად იზიარებს საპატრიარქოს პოზიციას რუსთავი 2-ისთვის ბოიკოტის გამოცხადებასთან დაკავშირებით. მისივე თქმით, კერძო კომპანიებმა რეკლამების განთავსება უნდა შეწყვიტონ მანამ, სანამ არხი თავის დამოკიდებულებას არ შეცვლის.

"სანამ რუსთავი 2 სწორი ინფორმაციის გვარცელებას არ დაიწყებს, მანამდე ვეთანხმები", - განაცხადა გოგიამ.

რუსთავი 2-ის გენერალურმა დირექტორმა ნიკა გვარამიამ ფეისბუქზე 25 მაისს გაავრცელა ლაშა გოგიას სტატუსის სქრინი, სადაც გოგია კოპანიებს მოუწოდებს, რომ საპატრიარქოს ბოიკოტს მხარი დაუჭირონ და და რუსთავი 2-ზე რეკლამა არ განათავსონ.

გოგიამ On.ge-სთან აღნიშნა, რომ თვითონ ეს სტატუსი არ დაუწერია. ამ დროისთვის გოგიას პირად გვერდზე [17:44] სტატუსი არ იძებნება.

გუშინ, 24 მაისს, საქართველოს მართლმადიდებელი ეკლესიის საპატრიარქომ სასულიერო პირებსა და თავიანთ მხარდამჭერებს მოუწოდა რუსთავი 2-თან ურთიერთობა შეწყვიტონ. ბოიკოტის შესახებ განცხადება საპატრიარქომ გიორგი გაბუნიას 22 მაისს გასული გადაცემის შემდეგ გაავრცელა. გადაცემის თემა "ცენზურის საფრთხე" და გამოხატვის თავისუფლების შესახებ ახალი საკანონმდებლო პაკეტი იყო. წამყვანს თვალსაჩინოებისთვის სტუდიაში მიტანილი ჰქონდა მხატვარ ლია უკლებას ნახატი "თვითმკვლელი ღვთისმშობელი", რომელსაც სათამაშო პისტოლეტი უჭირავს.

საპატრიარქოს განცხადებას მხარი დაუჭირა პატრიოტთა ალიანსმა და ბოიკოტი გამოუცხადა რუსთავი 2-ს.

გაიგეთ მეტი: