ათწლეულებია, რაც დიდი მუსიკოსები ჰომოსექსუალობაზე სიმღერებს წერენ. მათი უმრავლესობა საკუთარი თავის მიღებაზე, სულიერ მდგომარეობებზე, გრძნობებზე, თავისუფლებაზე, საზოგადოების მხრიდან უარყოფასა და ბრძოლაზეა.

ეს სიმღერები, რომლებიც თქვენთვის შევარჩიეთ, ძალიან ცნობილია და შესაძლოა, არც იცოდეთ, თუ ისინი ლგბტ თემს ეძღვნება.

1. ჰოზიერი: Take Me To Church

2013 წლის სიმღერამ, რომელიც ირლანდიელი მომღერლის სადებიუტო სინგლი იყო, ძალიან მალე მოიპოვა პოპულარობა. სიმღერაში ჰოზიერი მღერის, როგორ გაუცრუა იმედი კათოლიკურმა ეკლესიამ, რომელსაც ჰომოსექსუალობის მიმართ უარყოფითი დამოკიდებულება ჰქონდა. ვიდეოში, რომელიც მსოფლიოში შეიყვარეს, ჩანს მოძალადე ჰომოფობების მტრული დამოკიდებულება იმ ორი ახალგაზრდა კაცის მიმართ, რომლებსაც ერთმანეთი უყვართ.

2. ლედი გაგა: Born This Way

ამერიკელი პოპ-დივას თქმით, მისი სიმღერის შთაგონება 90-იანების ის სიმღერები იყო, რომლებიც უმცირესობების გაძლიერებას უწყობდნენ ხელს. მისი სიტყვებით, სურდა დაეწერა მუსიკა, რომელსაც პიროვნულ თავისუფლებას მიუძღვნიდა: "მინდოდა ჩემი ჰიმნი დამეწერა, მესიჯით, ვინც მინდა ის ვიქნები! მაგრამ არ მინდოდა, რომ ეს მესიჯი დამალული ყოფილიყო".

გაგა ასეც მოიქცა: No matter gay, straight or bi, lesbian, transgendered life, I’m on the right track, baby, I was born to survive [არ აქვს მნიშვნელობა, გეი ვარ, ჰეტერო თუ ბი, ლესბოსელი, ტრანსგენდერი, მე სწორად ვიქცევი, დავიბადე, რომ გადავრჩე!], - მღერის ის. ფანები გაგას ტრეკს აღფრთოვანებით შეხვდნენ და ის წლის 100 ყველაზე ცხელი სიმღერის სათავეში მოექცა.

3. Queen: I Want To Break Free

ქუინის სიმღერებში ესაა ყველაზე გეი სიმღერა, რომელიც გაგიკვირდებათ, და ფრედი მერკურის დაწერილი არაა. სიმღერა თავისუფლებას ეძღვნება, კლიპში კი, ლეგენდარული ჯგუფის წევრები, სერიალის გმირებივით არიან გამოწყობილნი.

4. Pet Shop Boys: Go West

სიმღერის ორიგინალი 1979 წელს გამოვიდა და ის The Village People-ს ეკუთვნის, თუმცა ის არც ისე პოპულარული იყო. მიუხედავად იმისა, რომ მისი ავტორები არ ადასტურებდნენ, რომ სიმღერის შექმნისას მას გეი ადამიანებს უძღვნიდნენ, Go West ლგბტ თემის თავისუფლების სიმბოლოდ იქცა.

5. გლორია გეინორი: I Will Survive

80-იანი წლებში, შიდსის ეპიდემიის ეპოქაში, სიმღერას დიდი გავლენა ჰქონდა ლგბტ საზოგადოებაზე. მებრძოლი შინაარსის ტექსტის გამო, სიმღერას ხშირად უწოდებდნენ ლგბტ თემის ჰიმნსაც. შიდსის ეპიდემიის ეპოქაში, სიმღერამ კიდე უფრო დიდი მნიშვნელობა შეიძინა.

6. რობინი: Dancing On My Own

რობინის სიტყვებით, მას მუდამ უყვარდა სევდიანი და რიტმული ლგბტ ჰიმნები, სწორედ ამას მიუძღვნა სიმღერაც, რომლის მოსმენის შემთხვევაში, მისი გონებიდან ამოგდება ძალიან რთულია.

7. კაილი მინოუგი: All The Lovers

კაილის თქმით, ეს სიმღერა და კლიპი მის გეი მსმენელებს მიუძღვნა. სიმღერა სიყვარულსა და დანაკარგებზეა, რომელიც ბრძოლის გაგრძელებისკენ მოუწოდებს.

8. MIKA: Grace Kelly

ამ სიაში მიკას სხვა სიმღერებიც შეიძლებოდა მოხვედრილიყო, მათ შორის We Are Golden, Lollipop, Last Party - რომელიც ფრედი მერკურის ეძღვნება. თუმცა გრეის კელი არის სიმღერა, რის გამოც ის მსმენელმა შეიყვარა.

9. ლილი ალენი: Fuck You

სიმღერა ლილიმ ამერიკის პრეზიდენტს, ჯორჯ ბუშს, მიუძღვნა, მას შემდეგ, რაც 2008 წელს, კალიფორიის შტატში გეი ქორწინება საკონსტიტუციო ცვლილებებით აიკრძალა. 2013 წელს, ბარაკ ობამას პრეზიდენტობის დროს, ეს აკრძალვა მოიხსნა.

10. Erasure: A Little Respect

სიმღერა 20-ე საუკუნეში ბრიტანეთის მთავრობის გადაწყვეტილებას აკრიტიკებს, რომელიც ე.წ. ჰომოსექსუალობის პროპაგანდას კრძალავდა. სიმღერაში ისმის კითხვა: What religion or reason could drive a man to forsake his lover? [რომელი რელიგია ან რა მიზეზი აიძულებს კაცს, შეყვარებული მიატოვოს?]

11. სარა ბარელისი: Brave

მომღერალმა თქვა, რომ სიმღერა მის მეგობარს მიუძღვნა, როგორც სასიყვარულო წერილი, რადგან მას ქამინგაუთი უჭირდა.

12. ჯუდი გარლანდი: Over the Rainbow

სიმღერა ლგბტ თემის ჰიმნად ჯერ კიდევ მეორე მსოფლიო ომის დროს შეირაცხა, როდესაც ჰომოსექსუალური აქტი უკანონო იყო. გეი ადამიანებს იმ დროს "დოროთის მეგობრებს" უწოდებდნენ.

13. მადონა: Vogue

რთულია მადონას დისკოგრაფიიდან მხოლოდ ერთი სიმღერის ამორჩევა ამ სიისთვის, თუმცა Vogue, რომელიც ბისექსუალის პერსპექტივიდან დაწერილი სიმღერაა, გამოსვლისას წლის ყველაზე ცხელი სიმღერების სათავეში მოექცა.

14. ტელმა ჰოუსტონი: Don’t Leave Me This Way

სიმღერა ლგბტ თემის ჰიმნად იქცა, განსაკუთრებით იმ პერიოდში, როდესაც ისინი მეგობრებს შიდსის ეპიდემიასთან კარგავდნენ.

15. კრისტინა აგილერა: Beautiful

სიმღერისთვისა და კლიპისთვის, რომელიც გეი წყვილსა და ტრანსგენდერ ადამიანზეა, აგილერამ GLAAD მედიის ჯილდოც მიიღო.

16. დაიანა როსი: I'm Coming Out

1980 წლისთვის, ამ სახელწოდებით [ვქამინგაუთდები] სიმღერის გამოშვება დაიანა როსის კარიერისთვის დიდი რისკი იყო, თუმცა მუსიკოსმა გაბედული ნაბიჯი გადადგა და როგორც აღმოჩნდა, მან სწორი გადაწყვეტილება მიიღო. ის ყველაზე ცხელი სიმღერების ათეულში მეექვსედ მოხვდა, როგორც სოლო მომღერალი.

17. იდინა მენზელი და ტრეისი ტომსი: Take Me or Leave Me

1996 წლის მიუზიკლში, RENT, იდინა მენზელი და ტრეისი ტომსი ლესბოსელ წყვილს ანსახიერებენ, რომლებიც ერთმანეთს უმღერიან მიიღონ ისეთები, როგორებიც არიან, წინააღმდეგ შემთხვევაში კი, დაშორდნენ.