თურქეთის იუსტიციის მინისტრის თქმით, 2 პილოტი, რომლებმაც 2015 წელს რუსული საჰაერო ძალების რეაქტიული თვითმფრინავი ჩამოაგდეს, გადატრიალების მცდელობაში მონაწილეობის ბრალდებით დაკავებულები არიან. ინფორმაციას ტელეარხი CNN Turk ავრცელებს.

2015 წლის 24 ნოემბერს თურქულმა ავიაგამანადგურებელმა თურქეთ-სირიის საზღვრის მიმდებარედ რუსული SU-24 ჩამოაგდო. პუტინის თქმით, რუსული SU-24 სამხედრო სირიის ტერიტორიაზე სამხედრო მისიას ასრულებდა. თურქული მხარე კი აცხადებდა, რომ სამხედრო თვითმფრინავი ქვეყნის საჰაერო სივრცეში შეიჭრა და მიღებული 10 გაფრთხილების მიუხედავად მიმართულება არ შეიცვალა.

მომხდარის გამო რუსეთმა გამოაცხადა სამხედრო მობილიზაცია, 1 იანვრიდან შეზღუდა უვიზო მიმოსვლა თურქეთთან და დაუწესა სანქციები.

მიმდინარე წლის 27 ივნისს, კრემლმა გაავრცელა ინფორმაცია, რომლის მიხედვით, ერდოღანმა პუტინს ნოემბერში ჩამოგდებული თვითმფრინავის გამო ბოდიში მოუხადა. 30 ივნისს კი, პუტინის ბრძანებით, რუსეთმა თურქეთის წინააღმდეგ დაწესებული შეზღუდვები გააუქმა.

15 ივლისს მომხდარი სახელმწიფო გადატრიალების მცდელობის ბრალდებით თურქეთში 6 ათასზე მეტი პირია დაკავებული.