უცხო ქვეყნის მოქალაქის ჯგუფურად ძარცვის ბრალდებით ორი პირი დააკავეს. შინაგან საქმეთა სამინისტროს ინფორმაციით, გამოძიებით დადგინდა, რომ ბრალდებულებმა თბილისში ირანის მოქალაქეს ფული, მობილური ტელეფონი, პასპორტი და სახლის გასაღები წაართვეს და შემთხვევის ადგილიდან მიიმალნენ.

უწყებაში ამბობენ, რომ ძარცვას შეესწრო ტაქსის მძღოლი, რომელმაც დანაშაული დაფარა. საქმეზე გამოძიება საქართველოს სისხლის სამართლის კოდექსის 178-ე მუხლის მე-3 ნაწილით მიმდინარეობს. დანაშაული ისჯება თავისუფლების აღკვეთით ვადით ხუთიდან რვა წლამდე.