საერთაშორისო გამჭვირვალობა - საქართველოს კვლევის მიხედვით, საქართველოს მოსახლეობის უმეტესობას მიაჩნია, რომ მსუბუქი და კლუბური ნარკოტიკების პირადი მოხმარებისთვის ადამიანი ციხეში არ უნდა ჩასვან. ინტრავენური ნარკოტიკების შემთხვევაში 53% მიიჩნევს, რომ მოხმარება უნდა დაისაჯოს.

მოსახლეობის 25% მსუბუქი ნარკოტიკების პირადი მოხმარების გამო, სასჯელის სახით ციხის მომხრეა. ამ აზრს კლუბური ნარკოტიკის შემთხვევაში 36%, ხოლო ინტრავენურის შემთხვევაში 43% ეთანხმება.

ფოტო: საერთაშორისო გამჭვირვალობა - საქართველო

საერთაშორისო გამჭვირვალობა - საქართველოს დაკვეთით კვლევა კავკასიის კვლევითი რესურსების ცენტრმა ჩაატარა. კვლევის ფარგლებში, რომელიც 2018 წლის 3-28 მარტის პერიოდში ჩატარდა, საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.