საერთაშორისო გამჭვირვალობა - საქართველოს კვლევის მიხედვით, საქართველოს მოსახლეობის მესამედზე მეტი, გამოკითხულთა 36%, ე.წ რეიდების ჩატარებას გამართლებულად მიიჩნევს.

ფოტო: საერთაშორისო გამჭვირვალობა - საქართველო

გამოკითხულთა 43%-ის აზრით, ჩხრეკა ზოგიერთ შემთხვევაში არის გამართლებული. 18 % კი ფიქრობს, რომ რეიდები არასდროს არის გამართლებული.

საერთაშორისო გამჭვირვალობა - საქართველოს დაკვეთით კვლევა კავკასიის კვლევითი რესურსების ცენტრმა ჩაატარა. კვლევის ფარგლებში, რომელიც 2018 წლის 3-28 მარტის პერიოდში ჩატარდა, საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.