შინაგან საქმეთა სამინისტროს განცხადებით, მარნეულსა და ფონიჭალაში სპეცოპერაციის დროს ნარკორეალიზატორობის ბრალდებით შვიდი პირი დააკავეს. დანაშაული 8-დან 20 წლამდე ვადით ან უვადო თავისუფლების აღკვეთას ითვალისწინებს.

უწყებით განმარტებით, ბრალდებულები ნარკოტიკებს სისტემატურად ყიდდნენ. გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და გასაღების ფაქტზე, საქართველოს სსკ-ს 260-ე მუხლის მე-4 და მე-6 ნაწილით მიმდინარეობს.