მანგლისთან ახლოს მიკროავტობუსი ამობრუნდა, რის შედეგადაც ადგილზე გარდაიცვალა 2 ადამიანი, ხოლო დაშავდა 17. ამის შესახებ ინფორმაცია On.ge-ს შსს-მ დაუდასტურა.

უწყების განმარტებით, შემთხვევა გუშინ, 6 მაისს მოხდა. მიკროავტობუსი წალკიდან კოდის მიმართულებით მიდიოდა, რა დროსაც გზის სავალი ნაწილიდან გადავიდა და ამობრუნდა.

შსს-მ გამოძიება სსკ-ის 276-ე მუხლის მე-7 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ორი ან მეტი ადამიანის სიცოცხლის მოსპობა. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.