რუსი ოპოზიციონერი პოლიტიკოსი ალექსეი ნავალნი პატიმრობიდან გაათავისუფლეს.

როგორც ნავალნიმ ტვიტერზე დაწერა, მას ბრალად არალეგალურ აქციაში მონაწილება და სამართალდამცველებისთვის წინააღმდეგობის გაწევა დასდეს.

ალექსეი ნავალნის საქმის ადმინისტრაციული განხილვა 11 მაისს ჩაინიშნა.

რუსი ოპოზიციონერი და აქციების ორგანიზატორი ალექსეი ნავალნი მოსკოვში, მსვლელობაზე გამოსვლისთანავე დააკავეს.

რუსეთის სხვადასხვა ქალაქში ნავალნის მომხრეები აქციებს მართავენ და ვლადიმერ პუტინის მეოთხე ვადით გაპრეზიდენტებას აპროტესტებენ.

მოსკოვსა და სანქტ პეტერბურგში გამართული აქციები ხელისუფლებასთან შეთანხმებული არ იყო.

მოსკოვში, პუშკინის მოედანზე შეკრებილი ხალხი სკანდირებს სლოგანს: "რუსეთი პუტინის გარეშე", "ის ჩვენი მეფე არ არის".