განახლება: შსს-ს ცნობით, ორმა სამოქალაქო პირმა, ამკრაძალავი ნიშნების მიუხედავად, პოლიგონის ტერიტორიაზე მართლსაწინააღმდეგოდ შეაღწიეს, სადაც იპოვეს მცირე ზომის მეტალის ნივთი, სავარაუდოდ ჭურვი. იგი ერთ-ერთმა მათგანმა იქვე მოისროლა, რა დროსაც ეს ნივთი აფეთქდა.

კრწანისში, შინაგან საქმეთა სამინისტროს კუთვნილ საწვრთნელ ბაზაზე აფეთქების შედეგად ორი ადამიანი დაშავდა.

შინაგან საქმეთა სამინისტროში On.ge-ს განუცხადეს, რომ გამოძიება 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს.

შსს-ს განცხადებით, დაშავებულები ტერიტორიაზე შევიდნენ იმის მიუხედავად, რომ შესაბამისი ამკრძალავი ნიშნებია განთავსებული. უწყება განმარტავს, რომ ტერიტორიაზე მითითებულია "გადასვლა აკრძალულია" და "ტერიტორია დანაღმულია", თუმცა სავარაუდოდ, მოქალაქეები აღნიშნულ მოთხოვნას არ დაემორჩილნენ. დაშავებულები საავადმყოფოში გადაიყვანეს.